روشنهۊرەیل و نۊسەرەیل کورد، ئریترە و ئوکراین بەشدار کۆبینەوەی پن لە مونیخ ئاڵمان بین
روشنهۊرەیل و نۊسەرەیل کورد، ئریترە و ئوکراین بەشدار کۆبینەوەی پن لە مونیخ ئاڵمان بین
ئەنجومەن پن لە وڵات ئاڵمان وە بەشداری ٢٥ کەس لە روشنهۊر و نۊسەرەیل، کووبینەوەی شعر و داستان خوەنی وەڕیوە برد. لەو کووبینەوە نۊسەر و رووژنامەوان کورد ژیار جەهانفەرد بەشدار بی و داستان وە زوان کوردی خوەند.
دۊەکە ١٢ ئۆکتۆبر لە شار مونیخ وڵات ئاڵمان ئەنجومەن پن کووبینەوەی شعر و چیرووک خوەنی ئەڕا ٣ نۊسەر ئریتره‌ئی، کورد و ئوکراینی وەڕێوە چی.
لە ئی کووبینەوە ک ٢ دەمژمار درێژە کیشا، لە دەمژمار ١٩ هەتا ٢٢ شەو وەڕێوەچی. ژیار جەهانفەرد نۊسەر و رووژنامەوان کورد بەشەیلێگ لە دو چیرووک کوردی خوەندەو، هاودەم چەن تیکە شعر و دو تکست وه زوان ئریتریه‌ئی لە لایەن یرگالم فیسا و بەش کورتیگ لە یەی رمان وە زوان روسی و انگلیسی لە لایەن ئلکسای بوبروونیکوف خوەنیاوە.
لە داوی ئەو دانیشتنە، شعر و چیرووکەیل لە لایەن بونتربوش، ئەڕا بەشدار بیەیل وە زوان ئاڵمانی هەڵگەردان کریا.
