دەسگیری نۊسەر و مامووسای زوان کوردی لە شار ئاروون‌ئاوای کرماشان
دەسگیری نۊسەر و مامووسای زوان کوردی لە شار ئاروون‌ئاوای کرماشان
هێزەیل ئتڵاعات رژیم داگیرکەر ئێران ئەڕا جارێ تر نۊسەر و مامووسای زوان کوردی ئانیسا جەعفەری مێهر ( آنیسا جعفری مهر )لە کرماشان دەسگیر کردن
ئمڕوو هێزەیل ئتڵاعات رژیم داگیرکەر ئێران لە کرماشان رشیانەسه ماڵ نۊسەر و مامووسای زوان کوردی”ئانیسا جەعفەری‌مێهر” خەڵک ئاروون‌ئاوا/شاباد ئوستان کرماشان و دەسگیری کردنە
ئێلام کریاس،دەسکەم ٢٠ چەکدار نزامی رژیم داگیرکەر ئێران لەو هێرشە بەشداری کردنە، هەر لێوا لە وەخت هێرش ئەڕا سەر ماڵ ئانیسا، گشت کەلوپەلەیل شەخسیێ جوور لەبتاب، موبایل و کتاوەگانیشێ بردنه و خوەیشی ئنتقاڵ دانەسە شوونێگ نادیار.
دەسگیری ئانیسا لە وەختێگەس ک ناوبریای لە رووژ ٢٦ سەرماوەز ساڵ وەرین لە لایەن هێزەیل ئتلاعات سپای پاسدارەیل رژیم داگیرکەر ئێران لە شار شاباد دەسگیر و لە شوونێ وە تەعەهود کەتبی ئازاد کریا. هەرلێوا لە ئەو وەختە ژمارێگ لە چالاک، نۊسەر و مامووسای زوان کوردی لە ئوستان کرماشان لە لایەن هێزەیل رژیم دەسگیر کریان.
