کیانووش روستەمی وەرزشکار یارسانی بیە قارەمان ئاسیا لە وەزنەهەڵگردن
کیانووش روستەمی وەرزشکار یارسانی بیە قارەمان ئاسیا لە وەزنەهەڵگردن
لە دوای گیچەڵەیل فرەیگ ک هاتە نوای وەرزشکار یارسانی کیانووش روستەمی، ئمڕوو ئەڕا جارێ تر لە موسابقەیل ئاسیایی بەشداری کرد. وەزنەهەڵگر کیانووش رووستەمی سەروار ئەوەیگە ئی کەشە خوازیار بی لە وەزن ٨٩ کیلو گەرەم وەزنە هەڵگرێ نەتوانست ئامجێگ ک خوازی وە دەس بارێ ئەڕا چیێن وە ئوڵەمپیک.
کیانووش لە یەی تەکان توانی ١٦٧ کیلو گەرەم بوەیدە بان سەر و بوودە کەس دۊم لە رزبەندی، هەرلەیوا لە بەش دوتەکان توانی وەزنەی ٢٠٦ کیلوگەرەم بوەیدە بان سەر ک سێ داوەر بازی دەنگ وە پەسەن کردنێ دان ئەمانگ هەیئەت ژوری دەنگ داوەرەگان قەبوڵ نەکرد و رەدێ کرد، ناوبریاگ ئەڕا جار دۊم وەزنەی ٢٠٦ برە بان سەر و ئی کەشە پەسەن کریا، لە جار سێهم ک وەزنەی ٢١٦ هەڵوژانیۊ نەتوانست بوەیدەی بان سەر و تەنیا وەزنەی ٢٠٦ کیلوگەرەم ئەڕای وە حساو هاوریا و لە ئی بەشیشە بیە دۊم، ئەمانگ لە جەم هەر دو تەکان توانی وە ٣٧٣ کیلوگەرەم بوودە یەکم و تەڵای وەزن ٨٩ کیلوگەرەم ئاسیا وە دەس بارێ.
سەروار ئیە ک تەڵای ئی وەزنە وە دەس هاورد ئەمانگ وە مدوو گیچەڵەیلێگ ک پێشتر ئەڕای هاتۊنە نوا و ئی چەن وەزنەی ئمڕووژێ ک پەسەن نەکریا نەتوانست ئمتیاز بەشداری لە ئوڵەمپیک وە دەس بارێ و ئیە بیە بایس ئەوە ک کیانووش لە دوای موسابقەگە رخنەی تونێگ لە فدراسیون جەهانی وەزنەبەرداری بگرێ.
