کووڵبەرێگ یارسانی لە ئاکام گولەی راسەوراس هێزەیل رژیم داگیرکەر ئێران گیانێ وە دەس داس
کووڵبەرێگ یارسانی لە ئاکام گولەی راسەوراس هێزەیل رژیم داگیرکەر ئێران گیانێ وە دەس داس
وە پەی خەوەرێگ کە ئەڕا سایت یارسان هەناریاس، دۊەکە دەمژمار ١٢ شەو هێزەیل ئەرتش رژیم داگیرکەر ئێران لە ناوچەی ناوقوپی دەیشت زەهاو سەر وە شارسان حەلەوان/سەرپێڵ‌زەهاو ئەڕا کووڵبەرەیل کەمین دانانە.
سەرچاوەگە ئێلام کردگە، لە وەختێگە گرووپێگ لە کووڵبەرەیل لە ناو ڕێ ئەڕا ماڵ بینە، کریانەسە ئاماج دەسرێژ گولەی ئەو هێزەیلە، ک لە ئاکاما کووڵبەرێگ وە ناو قوباد رەحمانی ٢٧ ساڵه کوڕ قەمەرناز ئابیار و کەرەم‌خان رەحمانی خەڵک ئاوایی ڕەمەکی لە هەرێم داڵاهوو گیانێ وە دەس داگە.
قوباد رەحمانی دو مناڵ بۊچک وە ناوەیل سەنا و سینا دێرێ و هەتا ئێرەنگە سەروار وەدۊیاچیێن خانەوادەگەی ئەڕا وەرگردن جنازەی روڵەگەیان، ناوەندەیل رژیم جنازەی وە تومەت داشت توفەنگ وە پێیان تاویل نەیانە.
سەرچاوەگە وە پێمان ئێلام کردگە ک وە پەی زانیاریەگان بیێن توفەنگ وەگەرد قوباد دۊر لە راسیە و خود ناوەندەیل رژیم هەڵگردن تووفەنگ نانەسە مل، ئەڕا ڕەوا دایێن وە جنایەت ئەنجام گردێ.
ئێلام کریاگە ک ئەو کووڵبەرەیلە هۊچ بار یا وەسیلەیگ وە پێیان نەویە و وە بێ ئیست دریانەسە وەر دەسرێژ گولە.
ساڵانە دەیان کووڵبەر و کاسبکار کورد لە رووژهەڵات کوردستان وە گولەی راسەوراس هێزەیل رژیم داگیرکەر ئێران گیانیان وە دەس دەن یا ک زامدار بن.
