ئمێدواریم جەوانەیل ڕێ ئنساندوستی دوکتور فەرهاد درێژە دەن
ئەوجورەیگە گشت خەوەردار بیمن رووژ پەنجشەمە ۱۷ ڕێبەندان(بهمن) لە رۊداو هاتن و چیێن پسپۆر چەو فەرهاد سوهرابی گیانی وە دەس دا و ماڵئاوایی لە ژیان کرد و کوومەڵگای یارسان، مەردم ئیاڵەت کرماشان و ئنساندوستەیل خەمبار کرد.
دوکتور فەرهاد کەسێگ بی ک لە بنەماڵەیگ وڵاتپارێز، مەردمی و ئنساندوست لە داڵگ بی و توانست وە پای دەرفەت و توانایی ک داشت پلەیل زانایی چ لە بوار ئخلاقی و چ زانستی بچوودە بان و بوودە پسپور چەو و جەراح، لە بوار ئەخلاقیش کەسێگ بی ک لە وەخت تەنگانەی مردم زەویلەرزە لێدریای لە ناو مەردم بی و وە پای هازێگ ک داشت خزمەت وە کوومەڵگا و ئنسانیەت کرد و هەمیشە وە رۊمەتێگ خاس وە دەم مەردمەو چی.
ئیمە وە جوور پلاتفۆرم یارسان دەسخوەشی و قەیرزانی کەیم لە زامەتەیل و ئنساندوستی گیانبەختکردێ دوکتور فەرهاد سوهرابی و دوون نووێ بمارک ویشیمن، هەروەیجوورە ئمێدواریم جەوانەیل و کەسەیل ترەک کوومەڵگا رێ دوکتور فەرهاد درێژە دەن تا ک مێهرەبانی و خزمەتەیلیان لە کوومەڵگا درێخ نەکەن.
شەورای وەڕێوەبەری پلاتفۆرم یارسان
