خانەوادەی داوودیان خەرجەیل پرسە ئەڕا دەرمان دەردەیل کوومەڵگە تەرخان کەن
وە پای خەوەرێگ ک ئەڕا سایت یارسان هەناریاس، خاتون پەری داوودیان خوەیشک موحەمەد رەزا خان داوودیان وەتیە: وە مدوو ویرۆس کۆرۆنا ک لە ناوچەگە بڵاو بیە ڕێوڕەسم چلەی براگەی لەغو کردنە.
پەری داوودیان وەتیە ک گشت خەرج و مەخارج پرسەگە تەرخان کەن ئەڕا خزمەت گوزاری بێهداشتی لە شار گیەڵان.
جێ باس ئەو سەرچاوە وەتیە ک گومان لە سەر تۊش بیێن ۲۰ کەس لە گیەڵان هەس ک دو کەس لە ئەوانە تەیید کریاس.
وە پای خەوەرێ ترەک ک وە دەسمان رەسیە، رژیم ئێران دەیان ئاخون لە قوم هاوردیە و لە ناوچەیل شارسان قەسرشیرین جێگر کردیە و هۆکار کارەگەی لە، لە ناو چیێن کرۆنا لە شوونەیل گەرم ئێلام کردیە.
ئی کردەوەی رژیمە، لە ناو خەڵک دڵەراوکی دورس کردیە و درێژە دەر سیاسەتەیل چەپەڵ رژیم ئەڕا لە ناو بردن و تاوانن گەل کوردە.
