ئقامەتگای میلکان کرن بیەسە شوون گەردشگەری و کوو بیێن لە دەور یەک

وە پای خەوەرێگ ک وە سایت یارسان رەسیە، لە شار کرن شارسان داڵاهوو پارێزگای کرماشان چەن مانگێگە کەسایەتێگ یارسانی وە ناو عەبدوڵا مروەتی ماڵ خوەی تاویل وە دۊەتەگەی پلوریدا موروەتی داس ئەڕا ئەوەیگە بکریەدە ئقامەتگایگ سونەتی ئەڕا پێشوازی لە مێوان بێگانە و توریسم هەروەیجوورە وەسایل فلکلور و کارەیل دەسی مەردم ناوچەگە لە ناوێ جێ بیەد تا فەرهەنگ ئەوردا وە توریست و موسافرەیل لە شارەیل ترەک نیشان بیەد.

پلوریدا موروەتی، ماڵەگە وەشیوەی زۊنە بازسازی کردیە و دەس کردیەسە جەم کردن وەسایل فلکلور، هەروەیجوور ناو ئەو ئقامەتگا ناسە میلکان.

لە ئی چوارچوە کەسایەتی و نۊسەر یارسانی سەید موحەمەد حوسەینی سەردان ئقامەتگای میلکان کردیە و سەربار دەسخوەشی لە ئەو خانەوادە چەن کتاوێگ ک گرێ دریاگ باوەری ناوچەگە و دیرووک شار کرنە پێشکش وە ماڵ میلکان کردیە.

جێ وەتنە میلکان یەکم شوونێگە ک دابین کریاس وە کارەیل فولکلور و ناسانن فەرهەنگ و کارەیل دەسی شار کرن وە دەیشت خوەی و ئی ئقامەتگا خوەی جوش و لە چوارچوەی کارێگ ئەڕا ئەهمیەت دان وە فەرهەنگ ناوچەگە و ناساندنێ ئەنجام گردیە.